Феминистичка школа ФЕМ 101.2

Фем 101.2
B7ys27Lytx0V6lYKsVdq

Пријави се на феминистичката школа ФЕМ 101.2 организирана од Медуза и Тиииит! Инк и збогати ги своите знаења и вештини во областа на феминизмот.

Школата има за цел да ги подготви учесничките и учесниците за успешно читање на феминистички наративи, аргументирано пишување и застапување преку креативен израз. Школата е составена од 5 предавања и 7 работилници, распределени низ 2 месеци, почнувајќи од 15 март 2021 година.

Школата ФЕМ 101 ќе ве запознае со клучни концепти од феминизмот и родовите студии, ќе ви помогне во себе-изразувањето, и ќе понуди креативна платформа за здружување и споделување.

Познавањето на феминистичката историја, стратегии на отпор и методи на креативен феминистички израз можат да нè зајакнат во борбата против родовата нееднаквост, да ни помогнат во критичкото преиспитување на односите на моќ, родовите релации и нашите сопствени позиции.

Обуките ќе ги водат реномирани теоретичарки, професорки, феминистки со обемно искуство и знаење во полињата во фокус на школата. За времетрањето на школата, учесничките /ците ќе имаат можност за практична работа, како и вклучување во тимот на Медуза преку креација и објавување на содржини и по завршување на школата. Програмата е наменета за девојки и жени, сексуални и родови малцинства.

За да учествувате треба:
– да ве интересира феминизам и родова еднаквост
– да имате мотивација да пишувате текстови во дадената област, иако претходно искуство не е неопходно
– да бидете во можност да ги посетувате сите обуки

Обуките ќе ги водат реномирани теоретичарки, професорки, феминистки со обемно искуство и знаење во полињата во фокус на школата: Ирена Цветковиќ, Ана Мартиновска, Елизабета Шелева, Адријана Захаријевиќ, Јани Сунден, Емилија Петреска-Камењарова, Румена Бужаровска, Сузана Милевска, Јана Јакимовска и Кумјана Новакова. За времетрањето на школата, учесничките /ците ќе имаат можност за практична работа, како и вклучување во тимот на Медуза преку креација и објавување на содржини и по завршување на школата. Програмата е наменета за девојки и жени, сексуални и родови малцинства.

Рокот за пријавување трае до 7 март 2022 година. Пратете ја вашата кратка биографија и писмо со мотивација (максимум една страна) за учество на школата на info@meduza.mk со назнака „Апликација за Фем 101“. Доколку имате дополнителни прашања, пишете на истиот мејл или на Фејсбук/Инстаграм страната на Медуза.

Школата е финансиски поддржана од Квина тил Квина и фондот за млади феминистки ФРИДА.

Со нетрпение ги очекуваме вашите апликации!

tiiiitinc_logo_outline
MK

Please be informed that we use technologies such as cookies on our site to enhance your user experience. Click below to consent to the use of this technology on our site. For further details see Our Privacy Policy

Allow cookies
MK
Created with Fabric.js 5.2.4