Разговор со уметницата: Oља Грубиќ ● Испробување феминистички иднини
Тиииит! Инк. ве кани на разговор со Оља Грубиќ, која ќе ги сподели своите искуства и пракса како визуелна уметница и изведувачка.
 
Настанот ќе се одржи на 20 Октомври, среда од 19:00ч на платформата Зоом, преку следниот линк: https://us02web.zoom.us/j/84799579816
 
Нашата гостинка Оља Грубиќ е визуелна уметница и изведувачка чија практика е главно фокусирана на основните услови на постоење.Поставувајќи го на сцена сопственото тело, таа ги истражува можностите за слобода во патријархалното и капиталистички ориентирано општество. Оља се става себеси во ангажирана позиција и често користи елементи на хумор и сатира за да продре во структурата на секојдневниот живот.
 
Разговорот се организира во рамки на платформата за изведувачки уметности на Фестивалот за феминистичка култура и акција ПРВО ПА ЖЕНСКО - ИСПРОБУВАЊЕ ФЕМИНИСТИЧКИ ИДНИНИ. Активностите на платформата се поврзани со програмата на проектот „Жени за жени“ #wowprogram и проектот Пич Прич кои ги реализира Тиииит! Инк. и кои имаат за цел да придонесат кон унапредување на јавниот интерес за родовите прашања и поголемо присуство на жените во јавната сфера.
 
Платформата ИСПРОБУВАЊЕ ФЕМИНИСТИЧКИ ИДНИНИ е финансиски поддржана од The Kvinna till Kvinna Foundation и FRIDA | The Young Feminist Fund и се реализира во соработка со MOT theatre festival.
Проектот „Жени за жени“ (WoW – Women on women), поддржан од Програмата Креативна Европа на Европска Комисија, Tiiiit! Inc. го спроведува во партнерство со Mesto žensk од Љубљана, VoxFeminae од Загреб и Outlandish Theatre Platform од Даблин.