Тиииит! Инк. во соработка со Helsinki Citizens’ Assembly (hCa) од Бања Лука Ве покануваат да земете учество во кампањата #AŠtoNeBiMogla, на македонски #АЗоштоНеБиМожела со работилниците за деца и млади кои ќе се одржат со реномираната босанска уметница Селма Селман, на 5 јуни 2022 година во Музеј на современа уметност во Скопје.

 

Работилницата за деца од 7-14 години ќе ги опфати темите: Професии и родови стереотипи, лидерки од мојата средина, родово-засновано насилство.

 

Работилницата за и млади од 14-18 години ќе ги опфати следните теми: Рамноправност во дигиталниот свет, онлајн дискриминација и родово-одговорен јазик.

 

Целта на едукативните работилници „За еднаквост во работата со уметницата Селма Селман“ е да се поттикнат и мотивираат децата и младите да разговараат за родовата различност, да се поттикне намалувањето на родовиот јаз при уписот во училиште, напредувањето и задржувањето во училиштата на сите нивоа на образование и доживотно учење за девојчиња и момчиња, жени и мажи.

 

🟡 За учество во работилницата, потребна е родителска/старателска потврда којшато можете да ја пополните и да ја прикачите директно на Гугл формите, или да ги пополните на денот на работилниците, во МСУ. Можеме и дополнително да се договориме, само пишете ни на tiiiit.inc@gmail.com.

 

Селма Селман е светски призната уметница со ромско потекло, којашто се бави со перформативна и медиумска уметност, и е добитничка на бројни престижни награди. Таа сè уште активно учествува и изложува на различни фестивали. Селма е иницијаторка на „Марш на школо/Get the heck to school“, проект преку кој Селма се бори за зголемување на бројот на ромските деца во школските клупи, и како што истакнува Селма нејзина желба е бројката од 15-те проценти кои моментално посетуваат настава да достигне бројка од 95%! Проектот се фокусира на девојчињата од ромската заедница и има за цел да го елиминира склучувањето на раните бракови коишто често го спречуваат понатамошното образование.

Прочитајте го интервјуто со Селма Селман за осмото издание на ППЖ по повод тогашната изложба во МСУ, „Без простор“: https://tiiiitinc.com/mk/femoar/prikaz/79/in-the-21st-century-i-believe-the-roma-are-the-planets-leading-social-ecological-and-technological-futurists?fbclid=IwAR0pv3LlpME8rdmes6jj-phcuNeRkDOWFUcCYGJkgGcNuTT0Dhdhzt9-B80

Линк до настанот на FB: https://www.facebook.com/events/553348136395204

 

 

Со радост ги очекуваме вашите пријави. 

 

Ова издание на Прво па женско е поддржано од: Шведска и The Kvinna till Kvinna Foundation, FRIDA | The Young Feminist Fund, Зигрид Раусинг Траст и Министерство за култура / Ministria e Kulturës.

Наши партнери и соработници за #ППЖ10: Медуза, ПичПрич, Младински Културен Центар, Коалиција Маргини / Coalition Margins (Skopje Pride Weekend), Kontrapunkt (КРИК - фестивал за критичка култура), Helsinki Citizens' Assembly (HCA), PrivatePrint, и Center for Research of Nationalism and Culture.