Феминистички Stand-up со Софија Ристевска, Ангела Стојановска и Борис Геј

За јубилејното десетто издание на ПРВО ПА ЖЕНСКО, Тиииит! Инк. го организира првото феминистичко стендап шоу што ќе се случува на 26.05 во МКЦ Клуб. Во линија со овогодинешниот фестивалски фокус и генерално големиот бран на дискусии за субверзивнта моќ на хуморот и комедијата глобално, на стендап ќе ги гледаме Ангела Стојановска, Софија Ристевска и дрег кралот од Глазгов - Борис Геј.

Заземањето на овој (неретко) ексклузивно хетеронормативен простор е всушност од суштинско значење за да се наметне гледиштето на оние кои се најчесто мета на подбив. Затоа решивме да овозможиме простор за наративите коишто им се смеат на исмејувачите и отскокнуваат од рамките на „хехе“ хуморот. Отворањето на феминистички теми и општи дискусии преку призмата на хуморот се клучни за освестување на генералната јавност за тропите во хуморот и како тоа влијае на јавното мислење.

Ако сакате стендап и сметате дека на стендап сцената кај нас ѝ фали феминистичка енергија, тогаш ова е настанот за вас. 

 

Дизајн на постерот прекрасните Koma - design studio

Ова издание на Прво па женско е поддржано од: Шведска и The Kvinna till Kvinna Foundation, FRIDA | The Young Feminist Fund, Зигрид Раусинг Траст и Министерство за култура.

Наши партнери и соработници за #ППЖ10: Медуза, ПичПрич, Младински Културен Центар, Коалиција Маргини / Coalition Margins (Skopje Pride Weekend), Kontrapunkt (КРИК - фестивал за критичка култура), Helsinki Citizens' Assembly (HCA), PrivatePrint, и Циник - Центарот за истражување на културана и национализмот.