Здружението за промоција на женската активност Тиииит! Инк. заедно со иницијативата ПЕРИОД.Скопје ја организираат конференција „Кршење на табуата: Менструална правда за сите!“, која ќе се одржи на 31 мај (среда) во хотелот Холидеј Ин во Скопје со почеток во 10.00 часот. Настанот е предвидено да заврши до 16:30 часот.

 

Од нашето истражување публикувано во 2021 година до денес ги нотиравме придвижувањата во рамки на дел од надлежните институции и сметаме дека оваа конференција ќе ни даде заеднички простор за да разговараме кои се постојните предизвици и како може да се надминат со цел да се дојде до конкретни резултати за конечно искоренување на менструалната сиромаштија и доаѓање поблиску до состојба на менструална правда. Воедно, конференцијата ќе биде и своевидно обележување на Меѓународниот ден за менструална хигиена (28 мај). 

 

На конференцијата ќе учествуваат претставници на граѓански здруженија, членки на парламентот на Рeпублика Северна Македонија и други државни институции. Целта на оваа конференција е да поттикне промени во јавните политики кои би довеле до системски решенија и создавање на функционални механизми и мерки во врска со менструирањето како дел од напорите за подобрување на сексуалното и репродуктивно здравје, а следејќи ги насоките на Светската здравствена организација и препораките од ООН Комитетот за елиминација на сите форми на дискриминација на жените.

 

На следниот линк е достапна студијата „Менструална правда“ која беше публикувана во 2021 која беше изработена во партнерство со Реактор - истражување во акција и учество на Период.Скопје. https://tiiiitinc.com/.../studija_menstrualna_pravda_MK.pdf

 

 Ве покануваме за учество на конференцијата и Ве замолуваме да го потврдите вашето присуство најдоцна до понеделник (29 мај) на е-пошта tiiiit.inc@gmail.com или пак на следниот формулар https://shorturl.at/BFK12

 

Агенда:

 

 10.30:11.00 Отворање и поздравни зборови

 

Модераторка на конференцијата: Ана Василева
Јана Коцевска, Тиииит! Инк., Извршна директорка
Елена Грозданова, државна советничка за прашања од областа на родовата еднаквост, МТСП
Теодора Милеска, Претставничка од ПЕРИОД Скопје

 

 11.00:11.45 Успешни искуства: Борбата за менструална правда во Шкотска

Модераторка: Ана Василева

Моника Ленон, парламентарка, Шкотски парламент

 

 11.45:12.00 Кафе пауза

 

 12.00:13.00 Политички ставови и заложби во врска со менструалнатамсиромаштија

 

Модератор/ка на панелот: м-р Биљана Гинова
Поканети говорнички: парламентарки од Собранието на РСМ
Проф д-р Гордана Силјановска – Давкова
Моника Зајкова
Санела Шкријељ

 

 13.00:14.00 Ручек

 

 14.00:15.00 Менструалната сиромаштија и правда според наодите од истражувањата

 

Модераторка на панелот: д-р Билјана Котевска, Тиииит! Инк., членка на Управен одборГоворнички:
Марија Трцол и Петра Чаргоња, ПаРитер (Риека, Хрватска)
Ана Бојчевска, Реактор
м-р Емилија Ангелова, Претседателка на КЕМ на Град Скопје

 

 15.00:15.15 Кафе пауза

 

 15.15:16.15 Менструалната правда и младите

 

Модераторка: Наталија Крстевска
Говорнички:
Елена Савеска, Иницијатива Мисли Малце
Анастасија Марковска, ФСС ФЕИТ
Марта Чадиковска, Координаторка на ХЕРА млади
Анисија Угриновска, Младински делегат на ООН

16.15:16.30 Затворање на конференцијата