Пич Прич Слем

#сегакажувам

               ПичПрич е раскажувачка иницијатива што се занимава со женската усна историја, со цел да се сопостави на традиционалната писмена историја доминирана од мажи и да ги нормализира женските искуства. Истовремено се стреми да ги афирмира жените кои даваат свој придонес во општеството, како и да разоткрива нови и свежи раскажувачки гласови. Формирана е на почетокот на 2016 година, по авторски концепт на Румена Бужаровска и Ана Василева, а свое премиерно претставување имаше на фестивалот Прво па женско во 2016 година. Досега се одржани вкушно 9 настани: 4 Гала-вечери по повод 8 март во Скопје, раскажувачки вечери во Битола, Охрид, Штип и Куманово, како и првиот ПичПрич слем во 2018 година во Скопје

               По бранот освестувачки, еманципирачки и исповеднички приказни за женските искуства од движењето #MeToo, кое го зафати светот и нашите простори, темата на овогодинешниот слем е „СЕГА КАЖУВАМ“. Форматот на настанот е замислен така што од раскажувачките се очекува да раскажат приказна со времетраење од максимум десет минути на истата тема, која во фокус ги има женските приказни за претрпените психички и физички вознемирувања, кои досега биле премолчувани и неосудувани од страна на општеството.

Слемот се реализира во рамки на проектот ПичПрич, поддржан од Фондацијата Kvinna till Kvinna.