Детската ликовна работилница за илустрирање на торбички ќе нè поттикне да размислуваме за јавните простори, слободата, емоциите, социјалните проблеми, екологијата и општествените навики. Веруваме дека токму преку промовирањето на конструктивна јавна  дискусија ќе го зголемиме меѓусебното разбирање и сочувствување.
Градовите се производ на нашите општествени животи и токму затоа е клучно да се создаде соодветна и здрава животна средина со помош на темелно разбирање на животот што се одвива во неа. Како дел од нивниот социјален развој, децата стануваат агенти на промени, интеракција и иновации, и токму затоа е исклучително важно да се слушне нивниот глас преку нивното ликовно творештво.
Целите на детскатата ликовна работилницата се да дизајнираме креативни решенија кои ќе ни помогнат во борбата со климатските промени и загадувањето на воздухот и да ги вратиме социјалните навики на децата во јавниот простор преку дружење и создавање нови пријателства. Ќе илустрираме на теми: слобода, почитување, човекови права, емоционални проблеми, екологија, јавен простор, еко-мапи...

За торбичките ќе се погрижи Гласен Текстилец!

• Времетраење:  ≈ 90 мин
• Број на учесници/чки: 10-15 
• Возраст: 7+ години