Димитра е соло артистка која како композиторка, текстописателка и изведувачка досега има четири изданија за Шарла: Живот Во Живо (2018), Come To The Danger Club (2018), Празни Муабети (2019) и Мак Мрак (2020). Има настапувано на повеќе локални и регионални настани и фестивали, а исто така има соработувано и со локални состави, продуценти, текстописци и аудио-визуелни уметници. Љубителка е на секаков вид уметност, има настапувано со авторска поезија (вклучувајќи слем - поезија) и била актерка во неколку театарски претстави. Моментално живее и работи во Битола. 

Нејзиното музичко творештво го доживува како разговор меѓу себе и животот, израз на нејзиното постоење во општеството во кое живее - стилот ѝ опфаќа различни жанрови сплотени во постмодерна каша.