Панел дискусија

Издание на изоставените 

Феминистичкиот фестивал ПРВО ПА ЖЕНСКО во соработка со Феминистичкиот клуб на читателки, како дел од младинската програма организира панел дискусија за феминистичка литература, перспективата на жената како писателка и читање на текст преку призмата на родот. Новата генерација читател(к)и има јасна потребата за едно критичко читање на тековната феминистичка книжевност, дебати и дискусии кои се изместуваат од класичното академско читање на делата, па затоа оваа дебата се појавува со цел да ја прошири дискусијата за новите феминистички читања. Во моменталната општествена атмосфера, феминистичките анализи на книжевните дела главно се случуваат во затворени кругови и со тоа се создава една свежа, алтернативна традиција на литературна критика. Феминистичкиот клуб на читателки преку организираните дебати и средби си оградува еден сопствен простор, безбеден и инклузивен за читател(к)ите кои имаат феминистички-информирано гледиште за книжевната критика.