Музиката и изведбата на Акуа Нару се тестамент на наследството на соулот и на моќните жени во музиката. Со објавувањето на деби-албумот “The Journey Aflame” во 2011, Акуа се позиционираше на музичката сцена како пример за тоа што можат да бидат жените во хип-хопот. Придружувана од ансамбл со шест музичари на удиралки, клавијатури, саксофон/ флејта, бас, гитара и миксер, на ПРВО ПА ЖЕНСКО го промовира својот нов албум “The Blackest Joy”.

Почнувајќи како издавачка куќа во 90-тите, Пасворд успеа да изгради популарен имиџ на продукција која промовира млади уметници. Се занимава со менаџмент на артисти и букирање, а ги организира и некои од најпознатите музички фестивали како Д Фестивал, Грин Бич Фестивал и Таксират, кој годинава полни 20 години.