Јана Коцевска дипломирала на Институтот за етнологија и антропологија во Скопје. Основачка е на Здружението за промоција на женската активност „Тиииит! Инк“ и е една од основачките на феминистичкиот фестивал „Прво па женско“. Исто така, таа е една од основачите на ЦИНИК – Центарот за истражување на национализмот и културата. Во изминатата деценија активна е на независната културна сцена низ неколку позначајни настани и фестивали меѓу кои КРИК – Фестивалот за критичка култура во Скопје, во организација на „Контрапункт“, потоа скопскиот Викенд на гордоста, книжевниот фестивал „Друга приказна“ во организација на Темплум и други. Во моментот е претседател на Управниот одбор на Културно социјалниот простор Центар Јадро – мешовита установа од областа на културата и преку нејзината заложба во независниот културен сектор, застапува за унапредување на условите во кои се создава и развива независната културна сцена како клучен актер во формирање на културните политики на едно општество. Коцевска има уредничка улога на бројни публикации и списанија, а од 2024 година е главна уредничка на книжевната едиција „Vagina dentata“ во рамки на Тиииит! Инк. Се интересира за феминистички практики во културата и уметноста, како и родовите перспективи во теоријата, политиките и секојдневнието.

EN

Ве ивестуваме дека на нашата страница користиме технологии како што се колачиња, за да го подобриме Вашето корисничко искуство. Кликнете подолу за да се согласите со користењето на оваа технологија на нашата страница. За понатамошни детали погледнете ја нашата политика за приватност

Дозволи колачиња

EN

Created with Fabric.js 5.2.4