Борбата против хомофобијата и трансфобијата е борба за човекови права. Борбата против хомофобијата и трансфобијата станува приоритет на најзначајните меѓународни организации за промоција и заштита на човековите права (Обединетите нации, Советот на Европа, Европската Унија…). Сé поголем број на влади имплементираат политики и програми за борба против хомофобија и трансфобија

Националната мрежа за борба против хомофобијата и трансфобијата за секоја негативност (изразена во мисли, верувања, чувства, емоции, ставови, активности…) – во врска со нечија (не-хетеро)сексуална ориентација, го користи терминот хомофобија, а во врска со нечиј родов идентитет (и/или изразување) – терминот трансфобија.
Хомофобија е ирационален или општествено конституиран страв, омраза, предрасуда и дискриминација кон луѓето со хомосексуална и со бисексуална ориентација и кон сите оние за кои воопшто се претпоставува дека се гејови, лезбејки или бисексуалци.
Трансфобија е ирационален или општествено конституиран страв, омраза, предрасуда и дискриминација кон трансродовите луѓе. Трансфобијата е став што произлегува од стереотипното и културно нормативното сфаќање дека родот е природна и универзална категорија и дека секое излегување од рамката машко-женско претствува болест и опасност

Целите на НМХТ се координирање на активностите на национално ниво за борба против хомофобија и трансфобија во сите сфери: политички живот, медиуми, образование, здравство, труд, социјална политика, спорт…
– изградба на национална база на податоци за хомофобични и трансфобични инциденти, за говор на омраза врз основа на сексуална ориентација и родов идентитет и кривични дела од омраза врз основа на сексуална ориентација и родов идентитет
– подигнување на свеста на јавноста и државната администрација за потребата за борба против хомофобијата и трансфобијата како дел од борбата за еднаквост и човекови права за сите
– мониторинг и документирање на хомофобични и трансфобични акти и настани и нивна осуда во јавноста
– подготвување на легислатива
а) за борба против хомофобичен и трансфобичен говор на омраза (говор на омраза врз основа на сексуална ориентација и родов идентитет)
б) за хомофобични и трансфобични кривични дела од омраза (кривични дела од омраза врз основа на сексуална ориентација и родов идентитет)
в) за борба против хомофобичното и трансфобично малтретирање во образованието.

Членки на мрежата се: Коалиција Маргини, ХОПС – Опции за здрав живот, ЛезФем, Независна иницијатива „Бори се женски“, СТАР-СТАР- Здружение за заштита и унапредување на правата на сексуалните работници, „Заедно посилни“ – Здружение за поддршка на луѓето што живеат со ХИВ во Македонија, Здружение за критички пристап кон родот и сексуалноста- Субверзивен Фронт, Хелсиншки Комитет за човекови права на Република Македонија, ЛГБТИ Центар за поддршка, Х.Е.Р.А. – Асоцијација за здравствена едукација и истражување, ФРИК- Формација за развој на иницијативи во културата, Еднаквост за геј и лезбејки- ЕГАЛ, МОФ- Малдински Образовен Форум, ЗГ за промоција на женската активност Тиииит! Инк., Акција Здруженска, Здружение за еманципација, солидарност и еднаквост на жените ЕСЕ и Queer Square

Структура на НМХТ
Генералното собрание кои ги вклучува сите поддржувачи (организации и индивидуи),
Комитетот-Извршно тело на НМХТ
Координативното тело-работно тело на НМХТ,
Генерален Секретаријат-техничка поддршка на НМХТ,
Работни групи-експертски тела на НМХТ кои се формираат по потреба за работа на одреден проблем поврзан со унапредување на правата на ЛГБТИ лицата или слични теми,
Поддржувачи-Организациите и индивидуалците кои не се во можност да се вклучат во Комитетот и/или Координативното тело а имаат можности и интереси да се вклучат ад хок во работните групи.

Членство
Во Мрежата можат да членуваат граѓани на Република Македонија и Странски државјани без оглед на: нивниот пол, родов идентитет, возраст, етничката припадност, нивната раса, сексуалната ориентација, брачен статус, политички, религиозни и други уверувања или здравствена состојба.
Член на Мрежата може да биде секој, кој, доброволно ќе пристапи со доставување на писмена изјава – пристапница до Комитетот или до Генералниот Секретаријат на НМХТ

НМХТ ќе применува проактивен, афирмативен, но и критички пристап во работата што подразбира отворање дијалог и започнување соработка со сите релевантни чинители во справувањето со хомофобијата и трансфобијата, посебно на вклучување на ЛГБТИ заедницата во креирањето на политиките и стратегиите на дејствување.

Ги охрабруваме сите граѓански организации и индивидуи кои јавно се залагаат за почитување на еднакви човекови права за сите, да не контактираат и да се вклучат во НМХТ.

„Борбата против хомофобијата е клучен дел од поголемата битка за човековите права на сите.“ (Бан Ки-мун)

The fight against homophobia is a core part of the broader battle for human rights for all. (Ban Ki-moon)

EN

Ве ивестуваме дека на нашата страница користиме технологии како што се колачиња, за да го подобриме Вашето корисничко искуство. Кликнете подолу за да се согласите со користењето на оваа технологија на нашата страница. За понатамошни детали погледнете ја нашата политика за приватност

Дозволи колачиња

EN

Created with Fabric.js 5.2.4