Она на што особено му се радуваме е првото феминистичко стендап шоу што ќе се случува на 26.05 во МКЦ Клуб и ресторан. Во линија со овогодинешниот фестивалски фокус и генерално големиот бран на дискусии за субверзивнта моќ на хуморот и комедијата глобално, на стендап ќе ги гледаме Ангела Стојановска, Софија Ристевска и дрег кралот Борис Геј.
Заземањето на овој (неретко) ексклузивно хетеронормативен простор е всушност од суштинско значење за да се наметне гледиштето на оние кои се најчесто мета на подбив. Затоа решивме да овозможиме простор за наративите коишто им се смеат на исмејувачите и отскокнуваат од рамките на „хехе“ хуморот.


