ПРВО ПА ЖЕНСКО #14: Софи Луис – „Укинување на семејството како комунизација на грижата“

Some objava sofi luis 02 02 (1)

На 24 ноември 2026 година, со почеток во 19:00 часот, на Факултетот за драмски уметности во Скопје, во рамки на фестивалот ПРВО ПА ЖЕНСКО #14, ќе се одржи онлајн предавање на Софи Луис, насловено „Укинување на семејството како комунизација на грижата“, проследено со разговор и прашања од публиката (Q&A).

Софи Луис е феминистичка теоретичарка, писателка и авторка на книгите Full Surrogacy Now: Feminism Against Family и Abolish the Family: A Manifesto for Care and Liberation. Во својата работа ги преиспитува традиционалните претстави за семејството, мајчинството и репродуктивниот труд, истражувајќи ги можностите за поинаква организација на грижата и заедничкиот живот.

Во предавањето, Луис го отвора прашањето за укинувањето на семејството не како отфрлање на блискоста, љубовта и грижата, туку како повик за нивно ослободување од ограничувањата на традиционалните семејни структури. Преку феминистичка и антикапиталистичка перспектива, таа размислува за можностите грижата да стане заедничка одговорност, наместо приватна обврска што најчесто паѓа врз жените.

Предавањето е дел од програмата на ПРВО ПА ЖЕНСКО #14, која годинава се одржува под темата „Мајчинствување“ и отвора прашања за мајчинството, грижата, репродукцијата и нивната општествена и политичка димензија.

Предавањето ќе се одвива на англиски јазик. Влезот е слободен.


#ППЖ14 е поддржан во рамките на проектот „Култура за развој“ на Владата на Швајцарија, кој се имплементира од Heartefact Fund.

Фестивалот ПРВО ПА ЖЕНСКО #14 е финансиран од Шведска, Kvinna till Kvinna, Equality Fund и Global Fund for Women.

Содржината и изразените мислења се единствена одговорност на Тиииит! Инк. и не ги одразуваат нужно ставовите на донаторите.

tiiiitinc_logo_outline
EN

Ве ивестуваме дека на нашата страница користиме технологии како што се колачиња, за да го подобриме Вашето корисничко искуство. Кликнете подолу за да се согласите со користењето на оваа технологија на нашата страница. За понатамошни детали погледнете ја нашата политика за приватност

Дозволи колачиња

EN

Created with Fabric.js 5.2.4