Школа за феминистичко драматуршко размислување 3.0

Летна школа за феминистичко драматуршко размислување 6 12 јули, 2025 година Манастир Св. Јоаким Осоговски, Осоговски планини (Website)

Тиииит! Инк. продолжуваат да го надоместуваат недостатокот од формално образование од областа на современите изведувачки практики и во рамки на петиот циклус на Платформата за изведувачки уметности ИСПРОБУВАЊЕ ФЕМИНИСТИЧКИ ИНДИНИ го организираат третото издание на Школата за феминистичко драматуршко размислување.

Водени од позитивните минатогодишни искуства, и годинава програмата во формат на летна школа ќе се реализира од 30 јуни до 7 јули во комплексот на манастирот Св. Јоаким Осоговски, сместен во прегратките на прекрасните Осоговските Планини.

Школата на локалните уметници активни на независната културна сцена, ќе им овозможи теориско и практично знаење за развојот на авторски и/или соработнички уметнички дела низ феминистички драматуршки пристапи, кои не само директно референцираат феминистички теми и преокупации, туку неизбежно ги редефинираат уметничките процеси, втемелувајќи ги во феминистичките вредности какви што се рамноправноста, грижата, солидарноста и заедништвото.

Интерактивната програма за учење/одучување годинава, вклучува серија работилници со три меѓународно препознаени уметници кои работат во полето на современиот театар и перформанс: Теа Хвала – авторка, уредничка, преведувачка и истражувачка (Словенија), Биљана Радиноска – театарска режисерка (Македонија/Холандија) и Стелан Велоче – мултинструменталист и композитор (Сардинија/Германија).

Групата кои ќе ја следи програмата на Школата ја сочинуваат компаративистката Ангела Бошковска, културната работничка, авторка и сценаристка Марија Бошковска, изведувачкот и дрег крал Лаки Крстески, филмските автори Батухан Ибрахим, Максим Никифоровски и Леонид Велковски, едукаторката, лингвистка и организаторка Марија Арсенкова, писателката и уредничка Калиа Димитрова и театарскиот режисер Борис Василески.

Нововоспоставените релации и соработки што меѓусебно ги иницираат учесничк(ц)ите на досегашните изданија на Школата за феминистичко драматуршко размислување, ни потврдуваат дека искуствата во оваа програма, несомнено им ги прошируваат професионалните перспективи и им се поттик во нивната уметничка работа со која продолжуваат да придонесуваат кон развојот на независната културна сцена, унапредувајќи ја нејзината уметничка и општествена релевантност. 

Кураторка на програмата на Школата: Кристина Леловац

Координаторка на продукција: Тамара Ристоска

Асистент на продукција: Дениз Ајдаревиќ

Волонтерки: Анастасија Митровска и Вера Тошева.

15

Програмата на Школата се реализира со поддршка на Шведска, Kvinna till Kvinna и проектот „Култура за развој“ на Владата на Швајцарија, кој се имплементира од Хартефакт Фонд.

tiiiitinc_logo_outline
EN

Ве ивестуваме дека на нашата страница користиме технологии како што се колачиња, за да го подобриме Вашето корисничко искуство. Кликнете подолу за да се согласите со користењето на оваа технологија на нашата страница. За понатамошни детали погледнете ја нашата политика за приватност

Дозволи колачиња

EN

Created with Fabric.js 5.2.4