Елена Петровска

Елена Петровска

Elena petrovska avtorka 1

Елена Петровска повеќе од десет години посветено работи на развој на ЛГБТИК+ движењето и унапредувањето на правата на ЛГБТИК+ луѓето. Нејзиниот активизам започна со пионерскиот лезбејско-феминистички колектив „ЛезФем“, а потоа раководела со „Безбедната куќа“ за ЛГБТИК+ лица кои преживеале насилство, докажувајќи дека жестокото застапување и радикалната грижа одат рака под рака.

Елена работи континуирано на многубројни проекти и иницијативи кои водат кон системски промени. Нејзиниот ангажман опфаќа јавно застапување, работа со политичари и институции на национално, локално, регионално и меѓународно ниво, соработка со медиуми и новинари, како и креирање и водење на бројни јавни кампањи за ЛГБТИ правата. Како координаторка во Националната мрежа против хомофобија и трансфобија и дел од одборот на Скопје Прајд, таа работела на едукација и мобилизирање на заедницата, со посебен фокус на лезбејките и квир жените.

Денес, како координаторка за проекти и застапување во ЕРА, Елена ја насочува својата неуморна енергија кон зајакнување на движењето низ Западен Балкан и Турција. Преку својата работа, борбата ја пренесува на интернационално ниво, преку застапување во Обединетите нации и институциите на Европската Унија, како и преку активно учество во глобални ЛГБТИ мрежи. Таа е тука за да создава „добри неволји“ и да изгради иднина каде што секое ЛГБТИК+ лице ќе може да живее со достоинство, слобода и безрезервна гордост.

EN

Ве ивестуваме дека на нашата страница користиме технологии како што се колачиња, за да го подобриме Вашето корисничко искуство. Кликнете подолу за да се согласите со користењето на оваа технологија на нашата страница. За понатамошни детали погледнете ја нашата политика за приватност

Дозволи колачиња

EN

Created with Fabric.js 5.2.4