💿 ЖЕНИ ЗАД ПУЛТОТ VOL. 2 🎚 Отворен повик за диџејска работилница со Виолета Качакова
📍 Minus Eden
📅 5, 6, 11 и 12 јуни
💫 Пријавување на овој линк: https://forms.gle/ojimLBaCvxa5pXUW7
⏳ Повикот е отворен до 1 јуни!
Како од љубов кон музика, љубопитност и пракса се станува диџејка? Како се гради сопствен музички јазик, чувство за публика, динамика и простор?
Низ разговор, слушање и практична работа ќе го отвориме диџејството не само како техничка вештина, туку и како културна и општествена практика.

Диџејството произлегува од потребата за заедничко искуство преку звук и ритам. Во рамките на школата ќе му пристапиме не само како историја на технологија или забава, туку и низ призмата на раса, класа, сексуалност, миграција, економија и отпор. Ќе зборуваме за контекстот од кој произлегуваат музичките форми поврзани со диџејството, преку клучни личности, сцени и клубови, како и за жените пионерки во електронската музика.
Практичниот дел ќе биде фокусиран на слушање, селекција и градење сет, запознавање со опрема и софтвер за миксање, основни техники на микс и разбирање на динамиката и текот на сетот. Ќе работиме со различни жанрови, атмосфери и ситуации, од warm up до peak time и closing сетови. Во завршната фаза ќе се приклучи и Бодан Јамакоски, за да ни доближи различни техники на микс и користење технологија во процесот на пуштање музика.
🎧 За сите девојки што сакаат да истражуваат, слушаат, споделуваат и пуштаат музика, школата е отворен простор за прв чекор кон сопствен музички јазик и присуство.
*Повикот е отворен за жени и девојки над 18 години.
Активноста се реализира со поддршка од Embassy of Sweden in Skopje, Kvinna till Kvinna, Equality Fund и проектот „Култура за развој“ на Владата на Швајцарија, кој го имплементира Heartefact Fund.