Втората работилница во рамки на „Мала школа за феминистичко драматуршко размислување“ | ИФИ 3.0 беше „CLICK HERE TO APPLY“ со Јасна Жмак – писателка, драматург, истражувачка и психодрамска терапевтска од Загреб. Оваа работилница се одржа во Млади Хаб од 15ти до 18ти ноември 2024.
За работилницата, Јасна Жмак напиша: „Додека сме заедно, ќе ги истражиме начините на артикулација на уметничката практика во писмена форма – ќе си играме со нашите биографии, минати и идни апликации, проектни описи и други начини за презентирање на нашата работа – обидувајќи се да ги искористиме за подобро да ги разбереме нашите сопствени уметнички интереси. Ќе пишуваме и бришеме, користејќи стари и создавајќи нови текстови кои обично се сметаат за здодевни, административни и неинспиративни, обидувајќи се да пронајдеме нови перспективи за да се справиме со нив и за да им вдахнеме нов живот. Овој модул, надежно, ќе биде можност да се одмори од продукциските притисоци и можност за малку (авто)рефлексија на прашањата ЗОШТО и КАКО во уметничкото творештво.“

Јасна Жмак е писателка, драматург, истражувачка и психодрамска терапевтка од Загреб, Хрватска, која работи во полето на перформансот, танцот, литературата и филмот. Таа е вонредна професорка на Катедрата за драматургија на Академијата за драмски уметности во Загреб, кадешто предава додипломски и магистерски курсеви за драматургија на перформанс. Таа има организирано и/или менторирано повеќе работилници за/околу пишување, феминизам, драматургија, сексуалност и/или психодрама. Нејзината авторска претстава THIS IS MY TRUTH, TELL ME YOURS, што беше прикажана и на ПРВО ПА ЖЕНСКО во 2023, ја освои главната награда на овогодинешниот БИТЕФ.


Прочитајте повеќе за „Мала школа за феминистичко драматуршко размислување“ на овој ЛИНК.

Фотографии на Стефани Караџовска.
******************************
Програмата е поддржана од: Kvinna till Kvinna, Embassy of Sweden, Equality Fund, Sigrid Rausing Trust и Министерство за култура