30.04.2025
Здружение за промоција на женската активност ТИИИИТ! ИНК. – Скопје објавува „Барање за прибирање на понуди“ повикувајќи ги сите заинтересирани кандидати/ки, да поднесат понуди со следните содржински спецификации:
1.Општи услови
Набавувач на услуги: Здружение за промоција на женската активност ТИИИИТ! ИНК. – Скопје со седиште на ул. Јордан Хаџиконстантинов Џинот 4/2-9 во Скопје.
Предмет на барањето: Барање за прибирање на понуди за услуга – стратешко планирање
Активноста е дел од проектот „Феминистички практики 3.0“, финансиран од Квина тил Квина од Шведска, и тргнува од потребата за ревидирање на стратегијата на здружението за 2023-2027 година, што беше подготвена во текот на 2022 година. Експертот ќе треба да се ангажира на следните активности:
– Подготовка и реализација на еднодневна работилница за стратешко планирање;
– Прибирање информации за статусот на исполнување на стратегијата преку интервјуа со вработените и останати засегнати страни;
– Изработка на прашалник за прибирање на информации за перцепцијата на организацијата од засегнати чинители;
– desktop-review за прибирање дополнителни податоци;
– Водење низ резултати од евалуацијата, како и давање насоки за измена/подобрување на некои аспекти кои сеште не се воопшто исполнети, со фидбек од присутните;
– Сумација на она што е изработено на стратешкиот ден и по потреба, преработена стратегија со по-релевантни активности и индикатори.
Изборот ќе се направи согласно најдобриот понуден пристап и методологија, како и финансиска понуда во рамките на расположливиот буџет.
- Потребни квалификации и начин на аплицирање
Апликантите/ките кои се заинтересирани да се пријават на отворениот повик можат да ги поднесат потребните документи на следната адреса: Јордан Хаџи-Константинов Џинот 4-3-9, 1000 Скопје или електронски на tiiiit.inc@gmail.com.
Кандидатите/ките потребно е да ги имаат следните квалификации:
Образование: Најмалку високо образование во областа на социјална работа/политика, психологија, развојни студии или други релевантни за областа на социјалните услуги, вработување, психо-социјална и кариерна поддршка, родови прашања, советување или сродни области.
Работно искуство: Најмалку 3 години искуство во изработка на стратегии за работа и акциски планови за граѓански организации.
- Апликантите/ките треба да ги поднесат следните документи:
Работна биографија на експертот/ката;
Примерок од преходен сличен ангажман;
Понудена методологија и временска рамка;
Понудена бруто цена за ден во денари.
- Критериуми за избор
Оценка на техничка спецификација на понудите, дали истите се комплетни според пропишаните критериуми во овој повик – 10 поени
Евалуација на биографиите – 60 поени
Избор на најдобрата понуда според принципот “најниска цена” – 30 поени
Понудувачите треба да достават бараната документација најдоцна до 07.05.2025 до 16 часот, а понудувачот со најмногу освоени поени ќе биде земен предвид за разгледување и дополнително ќе биде известен и повикан за склучување на договор.