Скопје Прајд 2022

Skopje Pride
FhLxZq0f5a1mubLkCCJm

Скопје Прајд 2022 ќе се одржи на 25 јуни, сабота.

Парадата на гордоста во Скопје ќе започне со пристигнување на учесниците од 17:00 до 19:00 часот во паркот „Жена-борец“ (спроти Собрание на РСМ). По кратки обраќања на активисти и претставници на институции, следува марш по скопските улици пропратен со DJ сетови (19:00 – 20:00).

Се движиме од паркот „Жена-борец“ по улицата Димитрие Чуповски преку Рекорд – улица Даме Груев и булевар ВМРО до крстосницата пред мостот Гоце Делчев – булевар Илинденска покрај Влада – улица Ленинова покрај арена „Тоше Проески“ – крајна дестинација Стадион на АРМ

Скопје Прајд 2022 ќе понуди богата културно-забавна програма, со музички настапи во живо, настапи на дрег кралици од земјата и од регионот и DJ сетови. Ќе настапат: македонската поп-дива и оперска пејачка Наде Талевска-Спасовска, овогодинешната претставничка на Евровизија Андреа Коевска, DJ Андреј Мицајков, Dj Ginger, Dj Мартина Пенева, DJ Марко Рикалоски, DJ Јана Тодоровска, дрег-шоу со кралиците Alex Elektra, Dita Von Bill и Lana Vee. Ќе ја гледаме и дрег кралицата Ronda Vu од Њујорк, Divon Jane и Linda Socialista.

За да уживаме максимално во Прајдот, од Skopje Pride ги наведуваат следните препораки: 

– Забрането е да внесувате остри и стаклени предмети, балони, пиротехника и оружје.

– Носете си удобни чевли, вода и крема за заштита од сонце.

Програмата на Стадионот на АРМ во Градски парк ќе почне во 20:30 и ќе трае до 01:00 часот, а водителка на програмата ќе биде актерката Наталија Теодосиева.

Се гледаме во сабота, во паркот „Жена-борец“, од 19 часот. Излези за љубов!

tiiiitinc_logo_outline
EN

Ве ивестуваме дека на нашата страница користиме технологии како што се колачиња, за да го подобриме Вашето корисничко искуство. Кликнете подолу за да се согласите со користењето на оваа технологија на нашата страница. За понатамошни детали погледнете ја нашата политика за приватност

Дозволи колачиња

EN

Created with Fabric.js 5.2.4