Димитра е соло артистка која како композиторка, текстописец и изведувачка досега има три изданија за Шарла: Живот Во Живо (2018), Come To The Danger Club (2018) и Празни Муабети (2019). Има настапувано на локални и регионални настани и фестивали, а има соработувано и со локални состави, продуценти, текстописци и аудио-визуелни уметници. Љубителка е на сите видови уметности, има настапувано со своја поезија (вклучувајќи слем - поезија) и како актерка во неколку театарски претстави. Моментално живее и работи во Битола. Нејзиното музичко творештво го доживува како разговор помеѓу себе и животот, израз на нејзиното постоење во општеството во кое живее - додека стилот ѝ опфаќа различни жанрови сплотени во постмодерна каша.